醉爆伴郎團3 2013

兩年眨眼過去，花仔（畢列谷巴）、士撻（艾希姆斯）及德哥（賈斯丁巴森）洗掉紋身、剷走所有閃卡，過住無驚無險生活。佢哋收到風，麻煩友周丁丁正在泰國踎監，無佢騷擾，三人逐漸遺忘在拉斯維加斯的醉爆瘋狂事、及在泰國被毒販綁架、槍擊的慘痛回憶。

醉爆四狼當中只有漢倫（扎基加利費安納基斯）一個不滿於現狀，到處尋找存在感。佢不單只拋掉醫生處方藥物，仲來個無極限、無底線、無禁忌嘅身心大解放⋯直至佢面臨人生大危機先肯願意接受治療。

無人比佢三個老友更適合幫佢踏出治療第一步。今次冇婚禮，冇寡佬 party，到底仲有咩可以出錯？只要醉爆三狼一齊上路，保證「沒有最離譜，只有更離譜」！醉爆三狼將會回到瘋狂之旅的起點－拉斯維加斯，將一切作了斷！